الحكاية بدأت امبارح الساعة 3 العصر
خدت معاد الساعة خمسة لسيرفس العربية المؤجل من خمس شهور، وقبل المعاد بساعة تقريبا جالي اتصال من البيت ان أنبوبة الغاز فضيت. لغيت معاد السيرفس ورحت البيت أنتظر مدير عام أنابيب الغاز اللي مابيقدرش يدي معاد ثابت "هامر عليكو خلال ساعتين".
القصد، على تمانية ونص كده حسيت اني نيمان تماما، فقلت حلو، اتصلت أخدت معاد للسيرفس الساعة 6.50 صباح اليوم، على أساس اني هانام بدري ما نمتش. نمت الساعة 2.30 وصحيت ستة. رحت أخلص السيرفس قال لي الموظف وهو بيدعك عينيه: مفيش معاد. كلمتين مني وكلمتين منه اداني معاد جديد، وبدل ما اخرج 8 من السيرفس، خرجت 9، بسيطة. فاضل إيه؟ أروح بقى أدفع الميه والنور. الفاتورة في جيبي؟ لأ. رجعت البيت وأخدت الفاتورة. دفعت وطلعت على البنك، ليه بقى؟ معايا شيك بميتين دولار عن موضوع منشور في يونيو الماضي، الشيك ما ينفعش يتصرف، لازم يودع في الحساب. آخر مرة في الفرع بتاعي قالوا لي ان فيه استمارة مخصوصة لإيداع شيك بعملة أجنبية، والاستمارة دي مش عندهم، لكن سألوا وعرفوا انها موجودة في فرع تاني، والفرع التاني دا هو اللي رحته. دخلت على الموظفة أم عنين حلوة وقلت برطانة العارف: عايز استمارة إيداع شيك بعملة أجنبية. قالت لي: ها؟ وفتحت بقها. الموظفة اللي وراها قالت لي: روح المقر الرئيسي، ماعندناش احنا الكلام دا. بصيت لها بكره حقيقي وقلت ان الموظف في الفرع بتاعي كلمهم قدامي والاستمارة دي موجودة هنا ولو حضرتك مش عارفة اسألي حد يعرف. ويبدو ان صوتي علي. لقيت فوق راسي حد عارف، جاب لي الاستمارة وساعدني أملاها، وبعدين قال لي: تروح بقى حضرتك الفرع بتاعك وتديهم الاستمارة لأن الإيداع لازم يكون في الفرع بتاعك. الراجل كان مؤدب الحقيقة فمالقيتش كلام أقوله. هو بقى كان عنده كلام: ممكن حضرتك تاخد دفتر الاستمارات دا وتوصله معاك من غير تكليف؟ قلت له من عنيا، وخرجت بالدفتر والاستمارة المليانة والشيك أبو متين دولار وطلعت على الفرع بتاعي، اللي هو فين؟ في مول كبير، المدخل الأول: عفوا نرجو استخدام المدخل القادم. ويتضح ان المدخل القادم مدخل الشقق السكنية الموجودة في المول. والمدخل القادم الخاص بالتسوق مكتوب عليه نفس الشيء: عفوا، نرجو استخدام المدخل التالي، وهكذا لفيت حول المول لحد ما ركنت في باركنج الشقق السكنية. دخلت الفرع سألت على موظف معين من أنضف الناس اللي عرفتها في حياتي، وعرفته يعني عرفته، أصلها مش عشرة النهاردة، الراجل دا أنا وهو بقالنا بتاع 3 أسابيع (من يوم بطاقة الآيه تي إم ما ضاعت لو فاكرين) إذا ما تقابلناش يوميا فعلى الأقل حد فينا يكلم التاني بالتليفون. ازيك يا سالم ازيك يا شافعي ايه يا عم انا قاعد م الصبح مش لاقي شغل فينك؟ حكيت له، خد مني الدفتر وقال لي ان المخازن بعتت لهم، وخد الاستمارة والشيك، قلت له مش عايز صورة البطاقة قال لي عيب يا أحمد أنا آخد صورة بطاقتك. طب مطلوب مني أي حاجة تاني يا معلم؟ لا خلاص كده أسبوعين تلاتة ولو ما وصلتكش رسالة ان الشيك اتحول لحسابك تيجيلي وأخلص لك الموضوع في ثانية. حياك حياك.
أنا مش معترض، مش معترض خالص، أكيد دا العادي، أنا بس جعان ومافطرتش، مصدع وماشربتش قهوة، عندي شغل وباتاوب، باسمع أم كلثوم في أغنية أنا اللي مختارها: حبيبي يسعد أوقاته
خدت معاد الساعة خمسة لسيرفس العربية المؤجل من خمس شهور، وقبل المعاد بساعة تقريبا جالي اتصال من البيت ان أنبوبة الغاز فضيت. لغيت معاد السيرفس ورحت البيت أنتظر مدير عام أنابيب الغاز اللي مابيقدرش يدي معاد ثابت "هامر عليكو خلال ساعتين".
القصد، على تمانية ونص كده حسيت اني نيمان تماما، فقلت حلو، اتصلت أخدت معاد للسيرفس الساعة 6.50 صباح اليوم، على أساس اني هانام بدري ما نمتش. نمت الساعة 2.30 وصحيت ستة. رحت أخلص السيرفس قال لي الموظف وهو بيدعك عينيه: مفيش معاد. كلمتين مني وكلمتين منه اداني معاد جديد، وبدل ما اخرج 8 من السيرفس، خرجت 9، بسيطة. فاضل إيه؟ أروح بقى أدفع الميه والنور. الفاتورة في جيبي؟ لأ. رجعت البيت وأخدت الفاتورة. دفعت وطلعت على البنك، ليه بقى؟ معايا شيك بميتين دولار عن موضوع منشور في يونيو الماضي، الشيك ما ينفعش يتصرف، لازم يودع في الحساب. آخر مرة في الفرع بتاعي قالوا لي ان فيه استمارة مخصوصة لإيداع شيك بعملة أجنبية، والاستمارة دي مش عندهم، لكن سألوا وعرفوا انها موجودة في فرع تاني، والفرع التاني دا هو اللي رحته. دخلت على الموظفة أم عنين حلوة وقلت برطانة العارف: عايز استمارة إيداع شيك بعملة أجنبية. قالت لي: ها؟ وفتحت بقها. الموظفة اللي وراها قالت لي: روح المقر الرئيسي، ماعندناش احنا الكلام دا. بصيت لها بكره حقيقي وقلت ان الموظف في الفرع بتاعي كلمهم قدامي والاستمارة دي موجودة هنا ولو حضرتك مش عارفة اسألي حد يعرف. ويبدو ان صوتي علي. لقيت فوق راسي حد عارف، جاب لي الاستمارة وساعدني أملاها، وبعدين قال لي: تروح بقى حضرتك الفرع بتاعك وتديهم الاستمارة لأن الإيداع لازم يكون في الفرع بتاعك. الراجل كان مؤدب الحقيقة فمالقيتش كلام أقوله. هو بقى كان عنده كلام: ممكن حضرتك تاخد دفتر الاستمارات دا وتوصله معاك من غير تكليف؟ قلت له من عنيا، وخرجت بالدفتر والاستمارة المليانة والشيك أبو متين دولار وطلعت على الفرع بتاعي، اللي هو فين؟ في مول كبير، المدخل الأول: عفوا نرجو استخدام المدخل القادم. ويتضح ان المدخل القادم مدخل الشقق السكنية الموجودة في المول. والمدخل القادم الخاص بالتسوق مكتوب عليه نفس الشيء: عفوا، نرجو استخدام المدخل التالي، وهكذا لفيت حول المول لحد ما ركنت في باركنج الشقق السكنية. دخلت الفرع سألت على موظف معين من أنضف الناس اللي عرفتها في حياتي، وعرفته يعني عرفته، أصلها مش عشرة النهاردة، الراجل دا أنا وهو بقالنا بتاع 3 أسابيع (من يوم بطاقة الآيه تي إم ما ضاعت لو فاكرين) إذا ما تقابلناش يوميا فعلى الأقل حد فينا يكلم التاني بالتليفون. ازيك يا سالم ازيك يا شافعي ايه يا عم انا قاعد م الصبح مش لاقي شغل فينك؟ حكيت له، خد مني الدفتر وقال لي ان المخازن بعتت لهم، وخد الاستمارة والشيك، قلت له مش عايز صورة البطاقة قال لي عيب يا أحمد أنا آخد صورة بطاقتك. طب مطلوب مني أي حاجة تاني يا معلم؟ لا خلاص كده أسبوعين تلاتة ولو ما وصلتكش رسالة ان الشيك اتحول لحسابك تيجيلي وأخلص لك الموضوع في ثانية. حياك حياك.
أنا مش معترض، مش معترض خالص، أكيد دا العادي، أنا بس جعان ومافطرتش، مصدع وماشربتش قهوة، عندي شغل وباتاوب، باسمع أم كلثوم في أغنية أنا اللي مختارها: حبيبي يسعد أوقاته
